زي ما احنا ..
هنفضل طول عمرنا زي ما احنا ..
هيموت الجيل الفقري ده والجيل اللي ورراه زي ما احنا ...
في رأيي الشخصي ..
مصر بلد مفهاش أي نوع من أنواع الحرية على الإطلاق ..
في رأيي الشخصي ..
من يمنح الحرية يستطيع أن يسلبها .. فهي ليست حرية ...
مش هتكلم عن عن انتزاع الحرية ..
مش دلوقتي عالأقل ..
ولكن هتكلم عن سلب الحرية ...
عن الناس اللي بتقول إنها بتؤمن بالحرية بينما هي لا تعرف عن الحرية أكثر من معرفتها بالسواحلية النيجيرية !!!
قررت ادارة الجامعة فصلك ترم !!!!
ليه !!
بتعلق لوحة ..
برضوا ليه !!
ممنوع ..
ليه ممنوع !!
هو كده ..
مين اللي قال كده !! ده حقي !!
انت بتتكلم مع الطلبة ..
إيه يعني !! من حق أي حد يكلم أي حد !! دي حرية ..
إحنا اللي نقول إيه الحرية وايه اللي مش حرية ..
إزاي !! دي اسمها حرية !! أنا حر أتكلم في أي مكان عام .. أنا حر أعلق أي حاجه بتعبر عني !! أنا حر
انتوا حاسين بالكلمة !!!
أنا حر !!
حر هأتكلم براحتي .. حر هامشي براحتي .. حر هاكل براحتي .. أنا حر يا جماعه ..
انت بتنتمي لجماعه محظوره ...
كفاياكم ...
كفاياكم تبريرات ...
كفاياكم ذرائع لكبت الحريات ..
كفاياكم حجج واهية لسلب الحريات ..
كفاياكم تلفيق وزور لقتل الحريات ..
قال محظوره قال !!
مين اللي يقول محظوره !!!
من قال ان لوحتي محظوره !!
مين اللي قال ان كلمتي محظوره !!
مين !!
لما كل الناس بيقروا لوحتي وتعجبهم
وكل الناس بيسمعوا كلمتي ويحبوها
وكل الناس بيتعاملوا مع جماعتي ويقبلوها
يبقى له بتحظرني !!
ليه بتفصلني !!
ليه بتحولني للتحقيق !!
ليه بنتحولني للتأديب !!
!!!!
كلام فارغ وغير منطقي على الإطلاق
موقعgam3aonline.com
