طب احنا قاعدين بنعمل إيه ..يا ترى حد فينا استحمل عشان دين ربنا .. عشان رسالة نبيه(صلى الله عليه و سلم).. زى الراجل ده ؟؟؟
احنا فين من الناس دى يا جماعة ..احنا فين ....
أنا مش لاقى كلام أقوله ...ربنا يغفرلنا ذنوبنا و تقصيرنا .. نتأخر على مواعيدنا .. و نبرر تأخيرنا بــميت حاجة ... نقعد نشتكى من تلكؤ الإخوة و إحنا أكتر الناس تلكؤاً .. نقعد نشتكى من إخوة غير مبدعين .. و إحنا - يا من ندعى لأنفسنا الابتكار - ما بنعملش حاجة ...
الراجل ده زى ما حياته كانت لله ... فموته إن شاء الله برذى لله ... لأنى فوقت ... بعد أكتر من سنتين غفلة ... فوقت ... و افتكرت أنا ليه أصلا باعمل اللى باعمله ... فوقت و افتكرت تانى أنا إيه اللى دخلنى الإخوان ... فوقت و افتكرت إنى بايعت ربنا إنى أوهب حياتى ليه .....
موت الراجل ده فوقنى... للدرجه دى كان صالح .. لدرجة إن موته يفوقنى .....؟؟؟؟؟
مات البطل المجاهد ... مات .... خلص وظيفته فى الأرض ... و نحسبه بيتلقى جايزة تعبه من ربنا دلوقتى .......
طب يا أحياااااااااااااااء .... هاتعملو انتو إيه بقى ؟؟؟؟؟؟؟
سواء أخ من الإخوان ... أو أخ من أنصار السنة ... أو التبليغ .. أو حتى ملتزم عادى بدون توجه معين ... أو حتى مسلم نفسه يلتزم أو واحدة لسة ما اتحجبتش أو أو أو ,,,,,
هااااااااااااا ...... فاضل إيه تانى ؟؟؟؟؟؟
هانفوق امتى يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا من استخلفكم الله فى أرضه ... يا أحفاد من أسماه الله " رحمة للعالمين " ... يا أحفاد محمد .. ؟؟؟يا أحفاد من علم البشرية كلها معنى الإنسانية أصلاً .. هااااا .... فاضلنا إيه يا جماعة ؟؟؟
بالله عليك باللى هاتقرأ الكلام ده ..ياللى هاتقرى الكلام ده ...أيا كان فكرك أو درجة التزامك ...
دين ربنا غالى يا جماعة ... و يستحق كل تضحية قدمها له البطل المجاهد .. بل و أكثر ...
لازم يكون لينا دور ... هو كان له دور .. لازم نعمل حاجة .. إحنا والله فينا الأمل ...
إخوانى و أخواتى ... ما تخلوش الذنوب تعوقنا عن رسالة نبينا (صلى الله عليه و سلم ) .. حتى لو وقعنا ... معلش ... نتوب بسرعة .. و ما نقولش مافيش أمل ....
الأمل باق ٍ ببقاء الله .. الأمل فى إننا نكون أحسن ... ده هو سبحانه علمنا إن " و رحمتى وسعت كل شىء " ..
الأمل فى إن إحوال المسلمين تتحسن .... الأمل فى إن ربنا هاينصرنا ... الأمل ده مش معنى وهمى .... على الأمل عاش النبى (صلى الله عليه و سلم) و الصحابة الكرام ...و إحنا على خطاهم ماشيين
بس كان أمل يؤكده العمل .. نعمل على قد ما نقدر .. و نأمل فى ربنا
ربنا يرحمك يا د\حسن ..يا أيها البطل المجاهد .. ياللى فوقتنى بعد سنين الغفلة اللى أنا عشتها ...
أنا عمرى ما شفتك على الحقيقة ... لكن موتك أثر فيا قوى .. قوى .. أنا عايز أقولك إنى باحبك فى الله ... عايز أقولك إنك كنت رجل بتجاهد فى سبيل الله .. و الكل يشهد بصلاحك ..ثبتك الله عند السؤال .. و على الصراط .. و أدخلك جنته بجانب الحبيب (صلى الله عليه و سلم) بلا سابقة عذاب أو مناقشة حساب ... و غفر ذنبك أنت و كل من مشى على درب الجهاد و كل موتى المسلمين ... آمين آمين آمين | 
